ଭଦ୍ରକ (୨୨ ଜୁନ ୨୦୨୫) : ଭଦ୍ରକ ଜିଲା ବନ୍ତ ବ୍ଲକ ଗୋପୀନାଥପୁର ଗ୍ରାମ ପଞ୍ଚାୟତକୁ ପଞ୍ଚାୟତ ପୁର୍ନଗଠନ ବେଳେ ବିଭାଜନ କରାଯାଇ ୨ ଗୋଟି ପଞ୍ଚାୟତ କରାଯିବାକୁ ତଥ୍ୟ ପ୍ରଦାନକାରୀ ସ୍ଥାନୀୟ ସ୍ୱେଚ୍ଛାସେବୀ ସଂଗଠନ ସି.ଏଫ.ଡବ୍ଲୁ୍ୟ.ଏସ.ଡିର କର୍ମକର୍ତ୍ତା ଓ ସ୍ଥାନୀୟ ଜଗତଜ୍ୟୋତି ମହିଳା ମହାସଂଘ ପକ୍ଷରୁ ରାଜ୍ୟ ସରକାରଙ୍କୁ ନିବେଦନ କରାଯାଇଛି । ପ୍ରକାଶ ଯେ, ଚଳିତ ପଞ୍ଚାୟତ ପୁର୍ନଗଠନ ପ୍ରକି୍ରୟାରେ ଏହି ଗ୍ରାମ ପଞ୍ଚାୟତ ବିଭାଜନ ଯୋଗ୍ୟ ଅଟେ । କ୍ଷେତ୍ରଫଳ, ପରିସୀମା, ଲୋକସଂଖ୍ୟା, ୱାର୍ଡ ଓ ଭୋଟର ସଂଖ୍ୟା ଦୃଷ୍ଟିରୁ ସବୁଥିରେ ଏହି ଗ୍ରାମ ପଞ୍ଚାୟତ ବ୍ଲକର ସବୁଠାରୁ ଅଧିକ ଅଟେ । ଏହି ପଞ୍ଚାୟତର ପରିସୀମା ଆଗରପଡା ବଜାର ମୁଖ୍ୟ ଛକ ଠାରୁ ବାଲେଶ୍ୱର ଜିଲା ଅଲ୍ଲିହା ଗ୍ରାମ ପର୍ଯ୍ୟନ୍ତ ପାଖାପାଖି ୧୪ କିମି ପର୍ଯ୍ୟନ୍ତ ରହିଛି । ଏହି ପଞ୍ଚାୟତରେ କାଣ୍ଡବା, ଶ୍ରୀରାମପୁର, ସାହୁପଡା, ମାର୍କଣ୍ଡପୁର, ତୁଳିପଦା, ପାଣିଛତ୍ର, ଗୋପୀନାଥପୁର, ତାଜିପୁର, ପାହାଡପୁର, ବଡସନ୍ଦାଡୋ, ସାନସନ୍ଦାଡୋ ଆଦି ୧୧ଟି ରାଜସ୍ୱ ଗ୍ରାମ ଓ ୧୯ଟି ୱାର୍ଡ ରହିଛି । ଏଥିସହିତ ସାହୁପଡା ରାଜସ୍ୱ ଗ୍ରାମର ଅମରସିଂହପୁର, ସାହୁପଡା ଓ ସାନସନ୍ଦାଡୋ ରାଜସ୍ୱ ଗ୍ରାମର କାଳିମେଘା ସ୍ୱତନ୍ତ୍ର ପଡା ଯାହା ରାଜସ୍ୱ ଗ୍ରାମ ତୁଲ୍ୟ ଅଟେ । ସେହିପରି ପାହାଡପୁର, ବଡସନ୍ଦାଡୋ, ସାନସନ୍ଦାଡୋ, ପାଣିଛତ୍ର, ତୁଳିପଦା, ସାନସାହୁପଡା, କାଳିମେଘା ପଡା ପଞ୍ଚାୟତ ମୁଖ୍ୟାଳୟ ଠାରୁ ଅନତି ଦୂର ଓ ଗମନା ଗମନ ସମସ୍ୟା ଭିତରେ ରହିବା ସହିତ କାନେଇ ନାଳ, କେନାଲ, ଶାଖା ନାଳ, ଚାଷକ୍ଷେତ ଆଦି ପ୍ରାକୃତିକ ସମସ୍ୟା ମଧ୍ୟରେ ପରିବେଷ୍ଟିତ । ଭୌଗଳିକ ପରିସ୍ଥିତି, ପ୍ରାକୃତିକ ବାଧକ, ପରିସୀମା, କ୍ଷେତ୍ରଫଳ, ଲୋକସଂଖ୍ୟା, ଭୋଟର ସଂଖ୍ୟା ଦୃଷ୍ଟିରୁ ଏହି ଗ୍ରାମ ପଞ୍ଚାୟତ ପଞ୍ଚାୟତ ପୁର୍ନଗଠନ ପ୍ରକି୍ରୟାରେ ବିଭାଜନ ହୋଇ ଦୁଇ ଗୋଟି ଗ୍ରାମ ପଞ୍ଚାୟତ ହେବା ଯୋଗ୍ୟ ଅଟେ । ୨୦୨୨ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଗୋପୀନାଥ ଗ୍ରାମ ପଞ୍ଚାୟତର ମୋଟ ଭୋଟର ସଂଖ୍ୟା ୬୯୯୧ ଥିବା ବେଳେ ସେଥିମଧ୍ୟରେ ପୁରୁଷ ଭୋଟର ସଂଖ୍ୟା ୩୬୭୦ ଓ ମହିଳା ଭୋଟର ସଂଖ୍ୟା ୩୪୨୧ ରହିଥିଲା । ୨୦୨୭ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ବେଳକୁ ମୋଟ ଜନସଂଖ୍ୟା ୧୨ହଜାରରୁ ଅଧିକ ଏବଂ ମୋଟ ଭୋଟର ସଂଖ୍ୟା ୮ ହଜାରରୁ ଅଧିକ ହେବା ସମ୍ଭାବନା ରହିଛି । ସେହି ଅନୁଯାୟୀ ୨୦୨୭ ନିର୍ବାଚନ ପୂର୍ବରୁ ପଞ୍ଚାୟତ ପୁର୍ନଗଠନ ବେଳେ ଗୋପୀନାଥପୁର ଗ୍ରାମ ପଞ୍ଚାୟତର ୱାର୍ଡର ମୋଟ ଭୋଟର ସଂଖ୍ୟା ଅନୁସାରେ ସାହୁପଡା ୱାର୍ଡ ନଂ ୪ ଓ ୬, ଗୋପୀନାଥପୁର ୱାର୍ଡ ନଂ ୧୩, ପାହାଡପୁର ୱାର୍ଡ ନଂ୧୭, ସାନସନ୍ଦାଡୋ ୱାର୍ଡ ନଂ ୧୬, ବଡସନ୍ଦାଡୋ ୱାର୍ଡ ନଂ ୧୪ ଓ ୧୫ ପୁର୍ନଗଠନରେ ବିଭାଜନ ହୋଇ ଗୋପୀନାଥପୁର ଗ୍ରାମ ପଞ୍ଚାୟତର ମୋଟ ୱାର୍ଡ ସଂଖ୍ୟା ୨୫ ଅତିକ୍ରମ କରିବା ସୁନିଶ୍ଚିତ । ଅପରପକ୍ଷେ ଯଦି ଆଗରପଡା ଏନ.ଏ.ସି ହୋଇ ଏବଂ ଗୋପୀନାଥପୁର ଗ୍ରାମ ପଞ୍ଚାୟତ କାଣ୍ଡବାର ୩ଟି ୱାର୍ଡ ଓ ଶ୍ରୀରାମପୁରର ୨ଟି ୱାର୍ଡ ସାମିଲ ହୁଏ, ତଥାପି ମୋଟ ଜନସଂଖ୍ୟା, ଭୋଟର ସଂଖ୍ୟା, ୱାର୍ଡସଂଖ୍ୟା, ଭୌଗଳିକସ୍ଥିତି, ପ୍ରାକୃତିକ ବାଧକ, ପରିସୀମା, କ୍ଷେତ୍ରଫଳ ଓ ଗମନା ଗମନ, ସାମୁହିକ ବିକାଶ ଓ ତୃଣମୂଳସ୍ତରରେ ଲୋକଙ୍କୁ ସରକାରୀ ଯୋଜନା ପହଞ୍ଚାଇବା ଓ ସେବା ଯୋଗାଇବା ପାଇଁ ଗୋପୀନାଥପୁର ଗ୍ରାମ ପଞ୍ଚାୟତକୁ ପଞ୍ଚାୟତ ପୁର୍ନଗଠନ ବେଳେ ବିଭାଜନ କରାଯାଇ ୨ ଗୋଟି ପଞ୍ଚାୟତ କରାଗଲେ ସାଧାରଣଲୋକେ ସମସ୍ତ ସୁବିଧା ସୁଯୋଗ ପାଇ ପାରିବେ ବୋଲି ଦାବୀ ହୋଇଛି ।
(ଚାନ୍ଦିନୀ ମହାନ୍ତିଙ୍କ ରିପୋର୍ଟ)
ସମ୍ପୂର୍ଣ୍ଣ ଓଡ଼ିଆରେ ଓଡ଼ିଆ ଲୋକମାନଙ୍କ ପାଖରେ ମାଗଣାରେ ଖବର ପହଞ୍ଚାଇବା ପାଇଁ ଆମର ଏହି ସ୍ୱତନ୍ତ୍ର ପ୍ରଚେଷ୍ଟା । ନୂଆ ଖବର ଯେ କେବଳ ନୂଆ ନୂଆ ଖବର ସବୁବେଳେ ନେଇକି ଆସିବ ତାହା ନୁହେଁ, ଆମେ ନୂଆ ରୂପରେ, ନିଆରା ଢଙ୍ଗରେ ଖବର ପହଞ୍ଚାଇବୁ ଆମର ପାଠକମାନଙ୍କ ପାଖରେ । ସଭିଙ୍କ ଖବର ସର୍ବଲୋଚନ କରିବାପାଇଁ ଆରମ୍ଭ ହୋଇଥିବା ଏହି ପ୍ରଚେଷ୍ଟାରେ ଆପଣମାନଙ୍କର ସହଯୋଗ କାମ୍ୟ ।