ଓଡ଼ିଶା (୧୮/୩/୨୦୧୮): ଆସନ୍ତା ମାର୍ଚ୍ଚ ୨୦ରେ ଓଡ଼ିଶାବାସୀ ପଖାଳ ଦିବସ ପାଳନ କରୁଛନ୍ତି । ଗୀଷ୍ମର ଆଗମନକୁ ସ୍ୱାଗତ କରିବା ପାଇଁ ପ୍ରତିବର୍ଷ ମାର୍ଚ୍ଚ ୨୦ରେ ପଖାଳ ଦିବସ ପାଳନ କରାଯାଏ । ଏହି ଦିନରେ ମୁଖ୍ୟତଃ ଲୋକମାନେ ମେଳିକରି ପଖାଳ ଭୋଜି କରିଥାନ୍ତି, ସୋସିଆଲ ମିଡ଼ିଆରେ ପଖାଳକୁ ନେଇ ଲୋକମାନେ ଗୀତ, କବିତା, କ୍ଷୁଦ୍ରଗଳ୍ପ ଆଦି ଅନେକ କିଛି ସେୟାର କରନ୍ତି ।
ଏହି ବର୍ଷ ପଖାଳ ଦିବସ ପାଇଁ ଏକ ଓଡ଼ିଆ ଗୀତ ମୁକ୍ତିଲାଭ କରିଛି । ଓଡ଼ିଆର ଜୀବନରେ ପଖାଳ କେମିତି ଏକ ଅଭିନ୍ନ ଅଙ୍ଗ, ସେ ଉପରେ ଗୀତଟିରେ ସୁନ୍ଦର ଭାବେ ବର୍ଣ୍ଣନା କରାଯାଇଛି । ଓଡ଼ିଆ ଇଞ୍ଜିନିୟର ଶାଶ୍ୱତ କୁମାର ସ୍ୱାଇଁ ଏହି ଗୀତଟି ରଚନା କରିଛନ୍ତି । ପୁନେରେ ରହୁଥିବା ଓଡ଼ିଆ ଯୁବକ ମାନସ ରଞ୍ଜନ ଦାଶ ଏହି ଗୀତଟିର ସ୍ୱର ସଂଯୋଜନା କରିଥିଲେ ଏବଂ ନିଜେ କଣ୍ଠଦାନ କରିଥିଲେ । ମନସ୍ୱିନୀ ସାହୁଙ୍କର ପଖାଳ ଉପରେ ରୋଚକ ଭିଡ଼ିଓ ଏହି ଗୀତକୁ ସୁହାଇଲା ଭଳି ହୋଇଥିଲା । ଗତ ୧୭ ତାରିଖ ସନ୍ଧ୍ୟାରେ ମାନସ ରଞ୍ଜନ ଦାଶଙ୍କ ୟୁ-ଟ୍ୟୁବ୍ ଚେନାଲରେ ଏହି ଗୀତଟି ମୁକ୍ତିଲାଭ କରିଥିଲା ।
ସମ୍ପୂର୍ଣ୍ଣ ଓଡ଼ିଆରେ ଓଡ଼ିଆ ଲୋକମାନଙ୍କ ପାଖରେ ମାଗଣାରେ ଖବର ପହଞ୍ଚାଇବା ପାଇଁ ଆମର ଏହି ସ୍ୱତନ୍ତ୍ର ପ୍ରଚେଷ୍ଟା । ନୂଆ ଖବର ଯେ କେବଳ ନୂଆ ନୂଆ ଖବର ସବୁବେଳେ ନେଇକି ଆସିବ ତାହା ନୁହେଁ, ଆମେ ନୂଆ ରୂପରେ, ନିଆରା ଢଙ୍ଗରେ ଖବର ପହଞ୍ଚାଇବୁ ଆମର ପାଠକମାନଙ୍କ ପାଖରେ । ସଭିଙ୍କ ଖବର ସର୍ବଲୋଚନ କରିବାପାଇଁ ଆରମ୍ଭ ହୋଇଥିବା ଏହି ପ୍ରଚେଷ୍ଟାରେ ଆପଣମାନଙ୍କର ସହଯୋଗ କାମ୍ୟ ।