ମାର୍ଚ୍ଚ ୨୦କୁ ବିଶ୍ୱ ପଖାଳ ଦିବସ ଭାବରେ ପାଳନ କରାଯାଉଛି, ତେଣୁ ଏହାକୁ ନେଇ ଚାରିଆଡ଼େ ପ୍ରସ୍ତୁତି ଖୁବ୍ ଜୋର୍ରେ ଚାଲିଛି । ଚାରିଆଡ଼େ ଏବେ ପଖାଳର ଚର୍ଚ୍ଚା ବଢ଼ିବାରେ ଲାଗିଛି । ସୋସିଆଲ୍ ମିଡ଼ିଆର ମଧ୍ୟ ପଖାଳର ଜର ସଭିଙ୍କୁ ଘାରିଛି । ପଖାଳ ଦିବସ ଏବଂ ପଖାଳ ଉପରେ କିଏ ଗୀତ ତିଆରି କରି ସେୟାର କଲେଣି, ତ' କିଏ ପଖାଳକୁ ନେଇ କ୍ଷୁଦ୍ର ଗଳ୍ପ, କବିତା, ପୋଷ୍ଟରମାନ ତିଆରି କଲେଣି ।
ସେହିଭଳି ଦେଶ ବାହାରେ ରହୁଥିବା ଓଡ଼ିଆ ଯୁବ ଇଞ୍ଜିନିୟର ଶାଶ୍ୱତ ଦେବଦତ୍ତ ପଖାଳ ଦିବସ ପାଇଁ ଯୁକ୍ତରାଷ୍ଟ୍ର ଆମେରିକାର ସୁନ୍ଦର ଟାହୋ ହ୍ରଦ ପାଖରେ ଥିବା ପର୍ବତରୁ ପଖାଳ ଦିବସ ଉପରେ ଲେଖାଟିଏ ଧରି ଛାୟାଚିତ୍ରଟିଏ ସୋସିଆଲ ମିଡ଼ିଆରେ ଛାଡ଼ିଛନ୍ତି । ବରଫ ଆଚ୍ଛାଦିତ ଏହି ପାହାଡ଼ ଉପରେ ଦୀର୍ଘ ୧.୫ ମାଇଲ ବରଫରେ ଚାଲିଚାଲି ଯିବାପରେ ସେ ପହଞ୍ଚିଥିଲେ ଏହି ସ୍ଥାନରେ ।
ଏହି ଫଟୋଟି ସେ ତାଙ୍କର ଟୁଇଟର ପ୍ରୋଫାଇଲରେ ସେୟାର କରି ପଖାଳ ଦିବସର ବାର୍ତ୍ତା ଜଣେଇଥିଲେ ।
ପଖାଳ ଦିବସ ଉପଲକ୍ଷେ ଅନେକ ଅନେକ ଶୁଭେଚ୍ଛା ଓ ଅଭିନନ୍ଦନ |— ଶାଶ୍ଵତ ଦେବଦତ୍ତ (@pureodiasaswata) March 19, 2018
ଆମ ପଖାଳ, ଆମର ଗର୍ବ, ଆମର ଐତିହ, ଆମ ପାଇଁ ଅମୃତ🙏
ଯୁକ୍ତରାଷ୍ଟ୍ର ଆମେରିକାର ସୁନ୍ଦର ଟାହୋ ହ୍ରଦ ପାଖରେ ଥିବା ପର୍ବତରୁ ଏ ଛାୟାଚିତ୍ର |
୧.୫ ମାଇଲ ବରଫରେ ଚାଲିଲା ପରେ ପହଞ୍ଚିଥିଲି ଏଇ ସ୍ଥାନରେ...#PakhalaDibasa #ବିଦେଶରେ_ପଖାଳ#ଟାହୋ_ହ୍ରଦରୁ_ପଖାଳ_ଦିବସର_ଅଭିନନ୍ଦନ pic.twitter.com/tbXANUjRsM
ସମ୍ପୂର୍ଣ୍ଣ ଓଡ଼ିଆରେ ଓଡ଼ିଆ ଲୋକମାନଙ୍କ ପାଖରେ ମାଗଣାରେ ଖବର ପହଞ୍ଚାଇବା ପାଇଁ ଆମର ଏହି ସ୍ୱତନ୍ତ୍ର ପ୍ରଚେଷ୍ଟା । ନୂଆ ଖବର ଯେ କେବଳ ନୂଆ ନୂଆ ଖବର ସବୁବେଳେ ନେଇକି ଆସିବ ତାହା ନୁହେଁ, ଆମେ ନୂଆ ରୂପରେ, ନିଆରା ଢଙ୍ଗରେ ଖବର ପହଞ୍ଚାଇବୁ ଆମର ପାଠକମାନଙ୍କ ପାଖରେ । ସଭିଙ୍କ ଖବର ସର୍ବଲୋଚନ କରିବାପାଇଁ ଆରମ୍ଭ ହୋଇଥିବା ଏହି ପ୍ରଚେଷ୍ଟାରେ ଆପଣମାନଙ୍କର ସହଯୋଗ କାମ୍ୟ ।