ଭୁବନେଶ୍ୱର (୨୦ ଅଗଷ୍ଟ ୨୦୨୪): ଭାରତୀୟ ଜନତା ପାର୍ଟି ମମତା ମହନ୍ତଙ୍କୁ ରାଜ୍ୟସଭା ପ୍ରାର୍ଥୀ ଘୋଷଣା କରିଛି । ସେ ନିକଟରେ ରାଜ୍ୟସଭା ସଦସ୍ୟ ପଦରୁ ଇସ୍ତଫା ଦେବା ସହିତ ବିଜୁ ଜନତା ଦଳରୁ ଇସ୍ତଫା ଦେଇ ବିଜେପିରେ ଯୋଗ ଦେଇଥିଲେ । ବିଜେପିରେ ଯୋଗ ଦେବାପରେ, ତାଙ୍କୁ ପୁଣିଥରେ ରାଜ୍ୟସଭାକୁ ବିଜେପି ପଠାଇବା ନେଇ କଳ୍ପନାଜଳ୍ପନା ଲାଗି ରହିଥିଲା । ଆଜି ବିଜେପିର କେନ୍ଦ୍ରୀୟ ନେତୃତ୍ୟ ମମତାଙ୍କ ନାଆଁରେ ମୋହର ମାରି ସବୁ କଳ୍ପନାଜଳ୍ପନାର ଅନ୍ତ ଘଟାଇଛି । ସଂଖ୍ୟା ଦୃଷ୍ଟିରୁ ବିଜେପିର ଆବଶ୍ୟକୀୟ ବିଧାନ ସଭାର ସଦସ୍ୟ ଥିବାରୁ ମମତା ମହନ୍ତ ରାଜ୍ୟସଭାକୁ ଯିବା ଏକପ୍ରକାର ନିଶ୍ଚିତ ହୋଇଛି ।