ଭୁବନେଶ୍ୱର (୧୯ ଜାନୁଆରୀ ୨୦୨୩): ଓଡ଼ିଆ ଉଇକିପିଡ଼ିଆର ଅନ୍ୟତମ ସକ୍ରିୟ ଉଇକିଆଳି ତଥା ଅବସରପ୍ରାପ୍ତ ଅସ୍ଥିଶଲ୍ୟ ବିଶେଷଜ୍ଞ ଡ. ସୁବାସ ଚନ୍ଦ୍ର ରାଉତଙ୍କୁ ଉଇକି ପ୍ରୋଜେକ୍ଟ ମେଡ୍ ଫାଉଣ୍ଡେସନ୍ ତରଫରୁ ୨୦୨୩ ବର୍ଷ "କିଓର୍ ଆୱାର୍ଡ଼" ପ୍ରଦାନ କରାଯାଇଛି । ଉଇକିପିଡ଼ିଆ ସମୁଦାୟରେ ଚାଲିଥିଲା ଏହି ଚିକିତ୍ସା ବିଜ୍ଞାନ ପ୍ରକଳ୍ପ ଅଧିନରେ ଓଡ଼ିଆ ଭାଷାରେ ସର୍ବାଧିକ ପ୍ରସଙ୍ଗ ଅନୁବାଦ କରାଯାଇଛି, ଯାହାକୁ ଏକା ଡ. ରାଉତ ହିଁ ଅନୁବାଦ କରିଛନ୍ତି ।
ଓଡ଼ିଆ ଉଇକିପିଡ଼ିଆରେ ୨୦୦୦ରୁ ଅଧିକ ପ୍ରସଙ୍ଗ ଲେଖିଥିବା ଡ. ରାଉତ ୩୬୮ଟି ଚିକିତ୍ସା ବିଜ୍ଞାନ ସମ୍ବନ୍ଧିତ ପ୍ରସଙ୍ଗ ଲେଖିଛନ୍ତି, ଯାହାକି ଏହି ପ୍ରକଳ୍ପ ଅଧିନରେ ଅନୁବାଦ ହୋଇଥିବା ସର୍ବାଧିକ ପ୍ରସଙ୍ଗ । ଚିକିତ୍ସା ବିଜ୍ଞାନ କ୍ଷେତ୍ରରେ ଓଡ଼ିଆ ଉଇକିପିଡ଼ିଆରେ ସ୍ଥାନିତ ପ୍ରସଙ୍ଗ କେବଳ ଡ. ରାଉତଙ୍କ ପାଇଁ ହିଁ ସମ୍ଭବ ହୋଇପାରିଛି । ଏହି ପୁରସ୍କାର ପାଇଁ ତାଙ୍କୁ ସାଥୀ ଉଇକିଆଳିମାନେ ଶୁଭେଚ୍ଛା ଜଣେଇବା ସହିତ ସାଧୁବାଦ ଜ୍ଞାପନ କରିଛନ୍ତି ।
ସମ୍ପୂର୍ଣ୍ଣ ଓଡ଼ିଆରେ ଓଡ଼ିଆ ଲୋକମାନଙ୍କ ପାଖରେ ମାଗଣାରେ ଖବର ପହଞ୍ଚାଇବା ପାଇଁ ଆମର ଏହି ସ୍ୱତନ୍ତ୍ର ପ୍ରଚେଷ୍ଟା । ନୂଆ ଖବର ଯେ କେବଳ ନୂଆ ନୂଆ ଖବର ସବୁବେଳେ ନେଇକି ଆସିବ ତାହା ନୁହେଁ, ଆମେ ନୂଆ ରୂପରେ, ନିଆରା ଢଙ୍ଗରେ ଖବର ପହଞ୍ଚାଇବୁ ଆମର ପାଠକମାନଙ୍କ ପାଖରେ । ସଭିଙ୍କ ଖବର ସର୍ବଲୋଚନ କରିବାପାଇଁ ଆରମ୍ଭ ହୋଇଥିବା ଏହି ପ୍ରଚେଷ୍ଟାରେ ଆପଣମାନଙ୍କର ସହଯୋଗ କାମ୍ୟ ।