ବ୍ୟୁରୋ (୨୫ ମାର୍ଚ୍ଚ ୨୦୨୦): ସବୁ ବସି ବସି ଲୋକ୍ ବୋର୍ ନ ହୁଅନ୍ତୁ ବୋଲି ଆଜି "ଆମେ ଓଡ଼ିଆ ଭାରି ବଢ଼ିଆ" ଶୀର୍ଷକ ଏକ ଓଡ଼ିଆ ଗୀତ ମୁକ୍ତିଲାଭ କରିଛି । ମାନସ ରଞ୍ଜନ ଦାଶଙ୍କ କଣ୍ଠ ଓ ସଙ୍ଗୀତରେ ନିର୍ମାଣ କରାଯାଇଥିବା ଏହି ଗୀତଟି ଆସନ୍ତା ଉତ୍କଳ ଦିବସ ଅବସରରେ ମୁକ୍ତିଲାଭ କରିବାର ଥିଲା, ମାତ୍ର ବନ୍ଦ ଯୋଗୁଁ ଏହାକୁ ୭ ଦିନ ଆଗରୁ ରିଲିଜ୍ କରାଯାଇଛି ।
ଏବେ କରୋନା ଭୂତାଣୁ ଦାଉ ସାଜିଥିବାବେଳେ ମାର୍ଚ୍ଚ ୨୨ର ଜନତା କର୍ଫ୍ୟୁ ପରେ ଜନସାଧାରଣଙ୍କୁ ସୁରକ୍ଷିତ ରଖିବା ପାଇଁ ଭାରତ ସରକାର ୨୧ଦିନ ପାଇଁ ସମ୍ପୂର୍ଣ୍ଣ ଭାରତରେ କର୍ଫ୍ୟୁ ବା ଲକ୍ଡାଉନ୍ ଘୋଷଣା କରିଥିବାବେଳେ ଏବେ ସବୁ ଲୋକ ଘରେ ଆଉ ଘରେ ବସି ଗୀତ ଶୁଣିବାପାଇଁ ମାନସ ରଞ୍ଜନ ଦାଶ ରିଲିଜ୍ କରିଛନ୍ତି ନୂଆ ଏକ ଓଡ଼ିଆ ଗୀତ ।
ସୁବାସ ଚନ୍ଦ୍ର ଦାଶଙ୍କ ରଚିତ ଏହି ଗୀତଟିର ସ୍ୱର ସଂଯୋଜନା କରିଛନ୍ତି ମାନସ ରଞ୍ଜନ ଦାଶ ଏବଂ ସେ ନିଜେ ମଧ୍ୟ ଏଥିରେ କଣ୍ଠଦାନ କରିଛନ୍ତି । ଏହି ସମୟରେ ଲୋକେ ଘରେ ବସି ଏହି ଗୀତଟି ଶୁଣି ଖୁସି ହେବେ ବୋଲି ଆଶା ବ୍ୟକ୍ତ କରିଛନ୍ତି ମାନସ ରଞ୍ଜନ ।
ସମ୍ପୂର୍ଣ୍ଣ ଓଡ଼ିଆରେ ଓଡ଼ିଆ ଲୋକମାନଙ୍କ ପାଖରେ ମାଗଣାରେ ଖବର ପହଞ୍ଚାଇବା ପାଇଁ ଆମର ଏହି ସ୍ୱତନ୍ତ୍ର ପ୍ରଚେଷ୍ଟା । ନୂଆ ଖବର ଯେ କେବଳ ନୂଆ ନୂଆ ଖବର ସବୁବେଳେ ନେଇକି ଆସିବ ତାହା ନୁହେଁ, ଆମେ ନୂଆ ରୂପରେ, ନିଆରା ଢଙ୍ଗରେ ଖବର ପହଞ୍ଚାଇବୁ ଆମର ପାଠକମାନଙ୍କ ପାଖରେ । ସଭିଙ୍କ ଖବର ସର୍ବଲୋଚନ କରିବାପାଇଁ ଆରମ୍ଭ ହୋଇଥିବା ଏହି ପ୍ରଚେଷ୍ଟାରେ ଆପଣମାନଙ୍କର ସହଯୋଗ କାମ୍ୟ ।