ନୂଆଦିଲ୍ଲୀ (୧୨ ଅଗଷ୍ଟ ୨୦୧୯): ଔଷଦ ରାଗରେ ତାଟିଆ କାମୁଡ଼ୁଛି ପାକିସ୍ତାନ ! ଜମ୍ମୁ-କଶ୍ମୀରରୁ ୩୭୦ ଧାରା ଉଚ୍ଛେଦ ହେବାପରେ ଇଦ-ଉଲ-ଜୁହାରେ ଭାରତର ମିଠା ନେଲାନି ପାକିସ୍ତାନ । ପ୍ରତି ବର୍ଷ ଇଦ-ଉଲ-ଜୁହା ଅବସରରେ ଭାରତ ପାକିସ୍ତାନକୁ ମିଠା ଦେଇଥାଏ । ପ୍ରତି ବର୍ଷ ସୀମାନ୍ତରେ ଥିବା ଉଭୟ ଦେଶର ଯବାନମାନେ ପରସ୍ପରକୁ ମିଠା ଦେଇଥାନ୍ତି । ହେଲେ ଏଥର ବିଏସଏଫ ଯବାନମାନଙ୍କଠାରୁ ମିଠା ନେବାକୁ ମନା କରିଦେଇଛି ପାକ୍ ସୀମାନ୍ତରେ ଥିବା ସେନା । କଶ୍ମୀରର ହୁସେନବାଲା ସୀମାରେ ଚଳିତଥର ମିଠା ଆଦାନ ପ୍ରଦାନ ହୋଇପାରିଲା ନାହିଁ ।
ସୂଚନାଯୋଗ୍ୟ ଯେ ଅଧିକାଂଶ ବଡ଼ ବଡ଼ ଉତ୍ସବ ପାଳନ ଅବସରରେ ଯେପରି ଅଟାରୀ ଓ ୱାଘା ସୀମାରେ ପାକିସ୍ତାନ ଓ ଭାରତ ମଧ୍ୟରେ ମିଠା ଦିଆ ନିଆ ହୋଇଥାଏ ହେଲେ ଏହା ଏଥର ହୋଇନାହିଁ । ଏପରିକି ଅନ୍ତରାଷ୍ଟ୍ରୀୟ ସୀମାରେ ଥିବା ହୁସୈନିୱାଲାର ଜଏଣ୍ଟ ବର୍ଡର ଚେକ୍ ପୋଷ୍ଟରେ ମିଠା ଆଦାନ ପ୍ରଦାନ କାର୍ଯ୍ୟକ୍ରମ ଆୟୋଜିତ ହୋଇନାହିଁ ।
ଜମ୍ମୁ-କଶ୍ମୀରରୁ ଧାରା ୩୭୦ ଉଚ୍ଛେଦ କରାଯିବାନେଇ ପାକିସ୍ତାନ ନିଜର ଅସନ୍ତୋଷ ପ୍ରକାଶ କରିବାଲାଗି ଏଭଳି ପଦକ୍ଷେପ ନେଇଥଇବା କୁହାଯାଉଛି । ଏହା ଏବେ ସାରା ଦେଶରେ ଚର୍ଚ୍ଚାର ବିଷୟ ହୋଇଛି ।
ସମ୍ପୂର୍ଣ୍ଣ ଓଡ଼ିଆରେ ଓଡ଼ିଆ ଲୋକମାନଙ୍କ ପାଖରେ ମାଗଣାରେ ଖବର ପହଞ୍ଚାଇବା ପାଇଁ ଆମର ଏହି ସ୍ୱତନ୍ତ୍ର ପ୍ରଚେଷ୍ଟା । ନୂଆ ଖବର ଯେ କେବଳ ନୂଆ ନୂଆ ଖବର ସବୁବେଳେ ନେଇକି ଆସିବ ତାହା ନୁହେଁ, ଆମେ ନୂଆ ରୂପରେ, ନିଆରା ଢଙ୍ଗରେ ଖବର ପହଞ୍ଚାଇବୁ ଆମର ପାଠକମାନଙ୍କ ପାଖରେ । ସଭିଙ୍କ ଖବର ସର୍ବଲୋଚନ କରିବାପାଇଁ ଆରମ୍ଭ ହୋଇଥିବା ଏହି ପ୍ରଚେଷ୍ଟାରେ ଆପଣମାନଙ୍କର ସହଯୋଗ କାମ୍ୟ ।