ବ୍ୟୁରୋ: ରବିବାର ଦିନ କେନ୍ଦ୍ର ଗୃହମନ୍ତ୍ରୀ ଅମିତ ଶାହା କହିଛନ୍ତି ଯେ ସମ୍ବିଧାନର ୩୭୦ ଧାରାରେ ଜମ୍ମୁ ଓ କଶ୍ମୀରକୁ ମିଳୁଥିବା ସ୍ୱତନ୍ତ୍ର ପାହ୍ୟା ଉଚ୍ଛେଦ ସେ ଅଞ୍ଚଳରେ ଆତଙ୍କବାଦର ଅବସାନ ଘଟାଇବା ସହ ପ୍ରଗତିକୁ ବାଟ କଢ଼ାଇବ । ଉପରାଷ୍ଟ୍ରପତି ଏମ୍ ଭେଙ୍କୟା ନାଇଡୁଙ୍କ ଉପରେ ରଚିତ ଏକ ପୁସ୍ତକ ଉନ୍ମୋଚନ ଅବସରରେ ଶାହା କହିଥିଲେ, "ତାଙ୍କର ଦୃଢ଼ ବିଶ୍ୱାସ ଯେ ଦେଶ ପାଇଁ ହିତକାରୀ ହୋଇ ନ ଥିବାରୁ ଜମ୍ମୁ ଓ କଶ୍ମୀରକୁ ସ୍ୱତନ୍ତ୍ର ପାହ୍ୟା ପ୍ରଦାନ କରୁଥିବା ଧାରା ୩୭୦ ଉଚ୍ଛେଦ ହେବା ଉଚିତ ।"
ସେ ପୁଣି ଯୋଡ଼ିଥିଲେ, "ଜଣେ ସାଂସଦ ଭାବେ ମୁଁ ଦୃଢ଼ ବିଶ୍ୱାସ କରୁଛି ଯେ ଧାରା ୩୭୦ ବହୁ ଦିନ ତଳୁ ଉଠାଇ ନିଆଯିବା ଉଚିତ ଥିଲା । ଜଣେ ଗୃହମନ୍ତ୍ରୀ ଭାବେ ଧାରା ୩୭୦ ଉଚ୍ଛେଦର ପରିଣାମ ବିଷୟରେ ମୋ ମନରେ କୌଣସି ଭ୍ରାନ୍ତି ନ ଥିଲା । ମୁଁ ନିଶ୍ଚିତ ଯେ ଏବେ କଶ୍ମୀରରେ ଆତଙ୍କବାଦର ଅବସାନ ଘଟିବ ଏବଂ କଶ୍ମୀର ବିକାଶ ପଥରେ ଗତି କରିବ ।"
ସ୍ୱାଧୀନତା ପରେ କାଶ୍ମୀର ପାଇଁ ତିଆରି ହୋଇଥିବା ଏହି ଧାରା ୩୭୦, ୩୭୦ (କ) ଓ ୩୫ (କ) ଆଦି ଗତ ଅଗଷ୍ଟ ୫ ତାରିଖରେ ଉଚ୍ଛେଦ ପାଇଁ କେନ୍ଦ୍ରର ମୋଦୀ ସରକାର ନିଷ୍ପତ୍ତି ନେଇଥିଲେ । ଏହିଭଳି ଏକ ଐତିହାସିକ ପଦକ୍ଷେପକୁ ଅନେକ ବିରୋଧ କରିବା ସହ ଅନେକ ସ୍ୱାଗତ କରିଥିଲେ ।
ସମ୍ପୂର୍ଣ୍ଣ ଓଡ଼ିଆରେ ଓଡ଼ିଆ ଲୋକମାନଙ୍କ ପାଖରେ ମାଗଣାରେ ଖବର ପହଞ୍ଚାଇବା ପାଇଁ ଆମର ଏହି ସ୍ୱତନ୍ତ୍ର ପ୍ରଚେଷ୍ଟା । ନୂଆ ଖବର ଯେ କେବଳ ନୂଆ ନୂଆ ଖବର ସବୁବେଳେ ନେଇକି ଆସିବ ତାହା ନୁହେଁ, ଆମେ ନୂଆ ରୂପରେ, ନିଆରା ଢଙ୍ଗରେ ଖବର ପହଞ୍ଚାଇବୁ ଆମର ପାଠକମାନଙ୍କ ପାଖରେ । ସଭିଙ୍କ ଖବର ସର୍ବଲୋଚନ କରିବାପାଇଁ ଆରମ୍ଭ ହୋଇଥିବା ଏହି ପ୍ରଚେଷ୍ଟାରେ ଆପଣମାନଙ୍କର ସହଯୋଗ କାମ୍ୟ ।