ଭୁବନେଶ୍ୱର (୧୮ ଡିସେମ୍ବର ୨୦୨୨): ଗତ ରବିବାର ଦିନ ଭୁବନେଶ୍ୱର ସ୍ଥିତ ଫର୍ଚୁନ୍ ପାର୍କ ସିସ୍ମୋରେ ଓଡ଼ିଆ ଉଇକିମିଡ଼ିଆ ଇଉଜର ଗ୍ରୁପ୍ର ଚିନ୍ତନ ଶିବିର ଆୟୋଜନ କରାଯାଇଥିଲା, ଯେଉଁଥିରେ ଓଡ଼ିଆ ଉଇକିଆଳିଙ୍କ ସମେତ କିଛି ସାନ୍ତାଳୀ ଉଇକିଆଳି ମଧ୍ୟ ଯୋଗ ଦେଇଥିଲେ ।
ଚିନ୍ମୟୀ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଓଡ଼ିଆ ଉଇକିପିଡ଼ିଆ ତଥା ଅନ୍ୟାନ୍ୟ ଉଇକିମିଡ଼ିଆ ପ୍ରକଳ୍ପଗୁଡ଼ିକର ଭବିଷ୍ୟତ ଯୋଜନା ବିଷୟରେ ଆଲୋଚନା ହେବା ସହିତ ଉଇକିମିଡ଼ିଆ ଫାଉଣ୍ଡେସନ୍ର ନିୟମାବଳୀ ଉପରେ ଆଲୋଚନା କରାଯାଇଥିଲା ।
ଓଡ଼ିଆ ଉଇକିପିଡ଼ିଆର ଦୁଇ ପରିଚାଳକ ମୃତ୍ୟୁଞ୍ଜୟ କର ଓ ଜ୍ଞାନ ରଞ୍ଜନ ସାହୁଙ୍କ ସମେତ ଶିତିକଣ୍ଠ ଦାଶ, ଶୈଳେଶ ପଟ୍ଟନାୟକ, ସଂଗ୍ରାମ କେଶରୀ ସେନାପତି, ଅଲିଭା ସାହୁ ଏବଂ ସାନ୍ତାଳୀ ଉଇକିପିଡ଼ିଆର ପରିଚାଳକ ଆର୍. ଅଶ୍ୱିନୀ ବଞ୍ଜନ ମୁର୍ମୁଙ୍କ ସହ ରାମଜିତ ଟୁଡୁ ଓ ପ୍ରଶାନ୍ତ ହେମ୍ବ୍ରମ ଆଦି ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ।
ଉଇକିମିଡ଼ିଆ ଫାଉଣ୍ଡେସନ୍ର ସଦସ୍ୟ ଡ. ମାନବପ୍ରୀତ କୌର ଓ ଉର୍ଦ୍ଦୁ ଉଇକିପିଡ଼ିଆର ଅନ୍ୟତମ ସଦସ୍ୟ ଆଫି ଆଦି ଭିଡିଓ କଲ୍ ମାଧ୍ୟମରେ ଯୋଗ ଦେଇଥିଲେ ।
ସମ୍ପୂର୍ଣ୍ଣ ଓଡ଼ିଆରେ ଓଡ଼ିଆ ଲୋକମାନଙ୍କ ପାଖରେ ମାଗଣାରେ ଖବର ପହଞ୍ଚାଇବା ପାଇଁ ଆମର ଏହି ସ୍ୱତନ୍ତ୍ର ପ୍ରଚେଷ୍ଟା । ନୂଆ ଖବର ଯେ କେବଳ ନୂଆ ନୂଆ ଖବର ସବୁବେଳେ ନେଇକି ଆସିବ ତାହା ନୁହେଁ, ଆମେ ନୂଆ ରୂପରେ, ନିଆରା ଢଙ୍ଗରେ ଖବର ପହଞ୍ଚାଇବୁ ଆମର ପାଠକମାନଙ୍କ ପାଖରେ । ସଭିଙ୍କ ଖବର ସର୍ବଲୋଚନ କରିବାପାଇଁ ଆରମ୍ଭ ହୋଇଥିବା ଏହି ପ୍ରଚେଷ୍ଟାରେ ଆପଣମାନଙ୍କର ସହଯୋଗ କାମ୍ୟ ।